У 1996 годзе на хвалі якасных эканамічных пераўтварэнняў у Рэспубліцы Беларусь была створана першая свабодная эканамічная зона. СЭЗ «Брэст» стала тэрыторыяй новых магчымасцяў для інавацыйных формаў вядзення бізнесу і рэалізацыі смелых інвестыцыйных праектаў з удзелам замежнага капіталу.
Існуе шмат істотных прычын, чаму менавіта Брэст быў выбраны ў якасці першай пляцоўкі для інавацыйнай дзейнасці. Тут і выгаднае геаграфічнае становішча, вызначанае размяшчэннем непасрэдна ля мяжы Еўрасаюза, і свабодны доступ да рынкаў СНД/ ЕАЭС, і блізкасць да галоўных аўтамабільных, чыгуначных, рачных і паветраных шляхаў зносін, і наяўнасць вытворчых плошчаў, якія валодаюць развітой інжынерна-транспартнай інфраструктурай, і, вядома ж, людзі, якія злучаюць у сабе высокі ўзровень адукацыі, прафесійных навыкаў, творчай ініцыятывы з гатоўнасцю добра рабіць сваю справу.
Сёння СЭЗ «Брэст» – гэта 50 км² эканамічнай прасторы з зручнымі вытворчымі пляцоўкамі, якія прыводзяцца ў рух прадпрымальніцкай актыўнасцю беларускіх і замежных інвестараў. Бізнесмены з дваццаці краін ужо ацанілі перавагі свабоднай эканамічнай зоны «Брэст», якія спалучаюць істотныя падатковыя льготы, мытныя прэферэнцыі і надзейныя прававыя гарантыі.
